Бидний тухай

Монголд өдөр тутам тулгардаг олон зүйл — эрүүл мэндийн даатгал, тэтгэвэр, зээлийн хүү, татвар, төрийн цахим үйлчилгээ — хэцүү үг, ойлгомжгүй журам-аас болж ээдрээтэй санагддаг. Ихэнх хүн “хэнээс асуух вэ” гэж төөрч, эсвэл мөнгө төлж хүн хөлсөлдөг.

Энгийн бол эдгээрийг мэргэжлийн мэдлэггүй хүн ойлгохоор тайлбарласан үнэгүй мэдлэгийн сан:

• Бүх нийтлэл үнэгүй, бүртгэлгүй, хүн бүрт нээлттэй.
• Түүх, жишээгээр эхэлж, мэргэжлийн үгийг хамгийн сүүлд хэлнэ. Ойлгомжгүй бол бидний алдаа.
• Тоо, хугацаа, дүрэм бүр албан ёсны эх сурвалжтай, огноотой.

Мэдээллийг хэрхэн шалгадаг вэ?

Нийтлэлд гарч буй тоо, дүрэм бүрийг нэг жагсаалтад (эх сурвалж) хадгална. Мөр бүр эх сурвалжийн линктэй бөгөөд итгэлийн түвшинтэй: хуулиас уншсан, найдвартай хоёрдогч эх сурвалж, эсвэл шалгах шаардлагатай.

Одоогоор туршилтын хувилбар тул мэргэжилтнээр бүрэн шалгагдаагүй. Тиймээс таны санал маш чухал.

Мэргэжилтнүүдэд

Та нягтлан, хуульч, эмч, банкир, төрийн албан хаагч бол өөрийн салбарын нийтлэлийг шалгаж туслаарай. Алдаа олбол хуудасны доорх “Алдаатай мэдээлэл” товчоор зөв хувилбар, боломжтой бол хуулийн заалт эсвэл линкийг нь бичээрэй. Холбоо барих мэдээллээ үлдээвэл шалгасан хуудсан дээр таны нэрийг тэмдэглэнэ.

Энгийн нь мэргэжлийн хүнийг орлох гэсэн юм биш. Энгийн асуудлаа өөрөө ойлгодог болсон хүн төвөгтэй асуудлаараа мэргэжлийн хүнд илүү бэлтгэлтэй хандана.